عدالت کا عمران خان اور بشری بی بی کا اسپتال سے میڈیکل کروانے کا حکم

عدالت نے عمران خان اور بشریٰ بی بی کا طبی معائنہ کروانے کا حکم جاری کردیا۔

اڈیالہ جیل میں قائم عدالت میں 190 ملین پاؤنڈز کیس کی سماعت ہوئی، جس میں بانی چیئرمین پی ٹی آئی عمران خان اور ان کی اہلیہ بشریٰ بی بی کو بھی پیش کیا گیا۔

اس موقع پر وکلا صفائی اور نیب پراسیکیوٹرز بھی موجود تھے۔

احتساب عدالت کے جج ناصر جاوید رانا نے سماعت کے دوران بانی چیئرمین پی ٹی آئی عمران خان اور ان کی اہلیہ بشریٰ بی بی کے طبی معائنے کی درخواستیں منظور کر لیں۔ 

عدالت نے بشریٰ بی بی کا انڈوسکوپی ٹیسٹ نجی اسپتال سے 2 روز میں کروانے کا حکم دیتے ہوئے کہا کہ بشریٰ بی بی کا انڈوسکوپی ٹیسٹ ڈاکٹر عاصم یونس اور سرکاری ڈاکٹر کی زیر نگرانی کروایا جائے۔