عدت میں نکاح کیس، عمران خان اور بشری بی بی کی بریت کے خلاف اپیل پر سماعت آج ہوگی

اسلام آباد ہائی کورٹ میں عدت میں نکاح کیس میں بانی پی ٹی آئی اور  بشری بی بی کی بریت  کے خلاف خاور مانیکا اپیل پر سماعت آج ہوگی۔

اسلام آباد ہائی کورٹ میں تعینات ہونے والے نئے جج جسٹس اعظم خان خاور مانیکا کی درخواست پر  سماعت کریں گے۔

خاور مانیکا نے ہائیکورٹ میں 13 جولائی 2024 کا ایڈیشنل سیشن جج کا بریت کا فیصلہ چیلنج کیا اور اپیل میں ایڈیشنل سیشن جج کا فیصلہ کالعدم قرار دینے کی استدعا کی ہے۔

واضح رہے کہ ایڈیشنل سیشن جج نے 13 جولائی 2024 کو بانی پی ٹی آئی اور بشری بی بی کو عدت نکاح کیس میں بری کردیا تھا۔ 

واضح رہے کہ ڈسٹرکٹ اینڈ سیشن کورٹ اسلام آباد نے عدت کے دوران نکاح کیس میں عمران خان اور بشریٰ بی بی کی سزا کے خلاف اپیلیں منظور کرکے انہیں باعزت طور پر بری کردیا تھا۔