علی امین گنڈا پور، مراد سعید سمیت کئی پی ٹی آئی رہنماؤں کو بڑا ریلیف

وزیر اعلیٰ کے پی کے علی امین گنڈا پور، مراد سعید سمیت کئی پی ٹی آئی رہنماؤں کو بڑا ریلیف مل گیا۔

وزارت داخلہ نے وزیراعلیٰ خیبرپختونخوا علی امین گنڈا پور سمیت سابق وفاقی کابینہ کے اراکین کے نام ایگزیٹ کنٹرول لسٹ سے نکال دیے۔

تفصیلات کے مطابق وزارت داخلہ نے وفاقی کابینہ کی منظوری کے بعد علی امین گنڈا پور، غلام سرور خان، مراد سعید، پریز خٹک، شفقت محمود، اسد عمر، عمر ایوب، محبوب سلطان، فواد چوہدری، علی زیدی، خسرو بختیار، اعجاز شاہ، فروغ نسیم اور شیریں مزادی کے نام ایگزیٹ کنٹرول لسٹ سے نکال دیے۔

اس کے علاوہ عمران خان، بشریٰ بی بی، فرح گوگی، زلفی بخاری کے نام ای سی ایل میں بدستور شامل ہیں۔