علی امین گنڈا پور نے وزارت اعلیٰ کے عہدے سے استعفیٰ دے دیا

اسلام آباد: وزیر اعلیٰ خیبر پختونخواہ علی امین گنڈا پور نے وزارت اعلیٰ کے عہدے سے استعفیٰ دے دیا۔

ذرائع کے مطابق وزیر اعلیٰ خیبر پختونخواہ علی امین گنڈا پور نے بانی پی ٹی آئی کی جانب سے نئے وزیراعلیٰ کی نامزدگی کے بعد عہدے سے استعفیٰ دیا۔

علی امین گنڈا پور کا کہنا تھا کہ بانی پی ٹی آئی کے حکم پر  وزارت اعلیٰ کے عہدے سے مستعفی ہو رہا ہوں۔ سہیل آفریدی کو میری مکمل حمایت اور سپورٹ حاصل رہیگی۔

انہوں نے مزیدکہا کہ   ہم بانی پی ٹی آئی کی رہائی اور  پارٹی پالیسی کے لیے ایک ہو کر  آگے بڑھیں گے۔

واضح رہے کہ میڈیا سے گفتگو کرتے ہوئے سیکرٹری جنرل پی ٹی آئی سلمان اکرم راجا نے ان خبروں کی تصدیق کی تھی  علی امین گنڈا پور کو خیبر پختونخوا کی وزارت اعلی سے ہٹانیکا فیصلہ کرلیا گیا ہے۔

سلمان اکرم راجا کا کہنا تھا کہ سہیل آفریدی کو خیبر پختونخوا کا نیا وزیر اعلیٰ نامزد کیا گیا ہے۔

انہوں نے کہا کہ یہ عمران خان کا فیصلہ ہے جس کا پس منظر بھی بیان کیا گیا، خیبرپختونخوا میں دہشتگردی کی بدترین صورت حال ہے، آج  اورکزئی میں ہمارے جوان اور افسر شہید ہوئے، خیبر پختونخوا حکومت کو کہا گیا کہ  وفاق کی غلط پالیسی سے خودکو دورے کرے۔