عالیہ حمزہ کو پی ٹی آئی نے پنجاب میں اہم عہدہ دے دیا

بانی پی ٹی آئی کی ہدایت کی روشنی میں تحریک انصاف کے چیئرمین بیرسٹر گوہر نے عالیہ حمزہ کو پنجاب میں اہم عہدہ دے دیا۔

پی ٹی آئی ذرائع کے مطابق عالیہ حمزہ ملک کو پی ٹی آئی پنجاب کا چیف آرگنائزر مقرر کیا گیا ہے اور وہ حماد اظہر کے ساتھ ملکر پنجاب میں پارٹی کو مضبوط کرنے کیلیے کام کریں گی۔

بانی پی ٹی آئی کی ہدایت پر چیئرمین پی ٹی آئی بیرسٹر گوہر نےعالیہ حمزہ ملک کی تقرری کا نوٹیفکیشن جاری  کردیا۔

اس سے قبل عمران خان نے خیبرپختونخوا میں بھی تنظیمی عہدوں پر اکھاڑ پچھاڑ کی اور علی امین گنڈا پور سے عہدہ لے کر مخالف گروپ کے جنید اکبر کو صدر مقرر کردیا ہے۔