عمران خان کی بیٹوں سے بات کروادی گئی

سابق وزیراعظم اور بانی پی ٹی آئی عمران خان کی جیل میں اپنے بیٹوں قاسم خان اور سلیمان خان سے ٹیلیفون پر بات کرا دی گئی۔

ذرائع کے مطابق یہ گفتگو گزشتہ روز ہوئی، تاہم اس حوالے سے مزید تفصیلات سامنے نہیں آ سکیں۔

جیل انتظامیہ نے بھی اس بات کی تصدیق کی ہے کہ اڈیالہ جیل میں قید عمران خان کو اپنے بیٹوں سے بات کرنے کی سہولت دی گئی۔ حکام کا کہنا ہے کہ یہ اقدام سپریم کورٹ آف پاکستان کے احکامات کی روشنی میں کیا گیا۔

جیل حکام کے مطابق عمران خان نے اپنے بیٹوں سے آدھے گھنٹے سے زائد وقت تک گفتگو کی، جس کے دوران انہوں نے خیریت دریافت کی اور مختلف امور پر بات چیت کی۔