عمران خان کی رہائی کیلیے ہر صورت اسلام آباد پہنچیں گے، علی امین گنڈا پور کا اعلان

وزیراعلیٰ خیبرپختونخوا نے اعلان کیا ہے کہ عمران خان کی رہائی کیلیے 24 نومبر کو نکل کر ہر صورت اسلام آباد پہنچیں گے۔

تفصیلات کے مطابق وزیراعلیٰ خیبر پختونخوا علی امین گنڈا پور کی زیر صدارت پارٹی کے مختلف ریجنز کے رہنماؤں کا اجلاس ہوا، جس میں پشاور، مالاکنڈ، ہزارہ اور ڈی آئی خان ریجنز کے پارلیمنٹیرینز اور عہدے داروں نے شرکت کی۔

اس اہم اجلاس سے قبل بشریٰ بی بی کی زیر صدارت پارٹی قیادت کا بھی اجلاس ہوا جس میں 24 نومبر کے احتجاج کے حوالے سے انتظامات اور حکمت عملی کو فائنل کیا گیا۔

اجلاس سے گفتگو کرتے ہوئے علی امین گنڈا پور نے واضح کیا کہ ہر صورت اسلام آباد پہنچیں گے۔پی ٹی آئی کے رہنما اسد قیصر نے کہا کہ بشری بی بی بھی ہماری تحریک کا حصہ ہوں گی پارٹی کی قیادت کا تاثر غلط دیا جارہا ہے۔