بنوں واقعے پر عمران خان کا انتہائی سخت مؤقف، وزیر اعلی گنڈا پور کو ہدایت جاری کردی

پاکستان تحریک انصاف کے بانی چیئرمین عمران خان نے بنوں میں امن مارچ کے مظاہرین کے ساتھ پیش آئے واقعے پر سخت موقف اپنایا ہے۔

اڈیالہ جیل میں 190 ملین پاؤنڈ ریفرنس کی سماعت کے موقع پر عمران خان نے کہا کہ بنوں واقعے کی سخت مذمت کرتا ہوں اور واضح کرتا ہوں کہ اس سے حالات مزید خراب ہوں گے۔

انہوں نے کہا کہ سب کو پتہ ہے پر امن، نہتے مظاہرین پر گولیاں برسائی گئیں، میرا مطالبہ ہے کہ واقعے کی جوڈیشل انکوائری کی جائے۔

عمران خان نے کہا کہ دہشت گردی کے خلاف جنگ اس وقت تک جیتی نہیں جاسکتی جب تک قوم ساتھ نہ ہو۔ وزیر اعلی گنڈا پور سے جب ملاقات ہو گی ہدایت کاروں گا کہ واقعے پر سخت موقف اختیار کرو۔