بشریٰ بی بی کو جیل میں نہ رکھنے کا فیصلہ

احتساب عدالت کی جانب سے توشہ خانہ ریفرنس میں 14 ماہ کی قید کے بعد سابق خاتون اول بشریٰ بی بی کو اڈیال جیل کی جگہ بنی گالہ میں قید رکھنے کا فیصلہ کیا گیا ہے۔

جیل ذرائع نے بتایا کہ بشریٰ بی بی کو اڈیالہ جیل سے بنی گالا منتقل کر کے بنی گالا کو سب جیل قرار دے دیا گیا ہے اور سابق خاتون اول کو وہیں قید رکھا جائے گا۔

ذرائع کے مطابق بشری بی بی کو سخت سیکورٹی میں اڈیالہ جیل سے بنی گالا منتقل کیا گیا ہے۔

واضح رہے کہ توشہ خانہ ریفرنس کا فیصلہ جس وقت اڈیالہ جیل میں لگی احتساب عدالت نے سنایا تو بشریٰ بی بی وہاں موجود نہیں تھیں اور پھر عدالتی فیصلہ سُن کر وہ خود گرفتاری دینے کیلیے اڈیالہ جیل پہنچیں۔

گرفتاری سے قبل بشریٰ بی بی نے میڈیا نمائندوں سے مختصر گفتگو کرتے ہوئے کہا تھا کہ ’میں خان صاحب کی کمزوری بننا نہیں چاہتی‘۔