بشری بی بی نے فیصل چوہدری اور مشعال یوسفزئی کو سائیڈ لائن کردیا

پاکستان تحریک انصاف کی رہنما اور سابق خاتون اول نے فیصل چوہدری اور مشعال یوسفزئی کو سائیڈ لائن کردیا۔

تفصیلات کے مطابق بانی پی آئی اور بشری بی بی کی پارٹی رہنماؤں، وکلاء سے اڈیالہ جیل میں ملاقات کی اندرونی کہانی سامنے آگئی۔

ملاقات کے آغاز پر ہی بشری بی بی نے فیصل چوہدری کو پٹیشنز سے الگ رہنے کی ہدایت کی اور بانی پی ٹی آئی نے غیر سیاسی وکیل کا نام مانگا اور سنئیر وکیل چوہدری ظہیر عباس کے نام کی منظوری دے دی۔

بانی پی ٹی آئی اور بشری بی بی سے ملاقات میں موجود پارٹی ذرائع نے بتایا کہ ملاقات کے آغاز پر ہی بشری بی بی نے فیصل چوہدری کو کہا آپ ہماری پٹیشنز سے الگ ہو جائیں، ہمیں سیاسی وکیل کی ضرورت نہیں، پروفیشنل وکیل کی ضرورت ہے، اتنے دن ہماری ملاقات بند رہی آپ لوگوں نے کیا کیا۔

بانی پی ٹی آئی نے بیرسٹر سلمان صفدر سے مخاطب کرتے کہا کہ آپ ہمیں پروفیشنل وکیل کا نام بتائیں جو ہماری پٹیشنز اور جیل کے معاملات کو دیکھے۔

ذرائع نے مطابق بانی پی ٹی آئی کا کہنا تھا کہ پارٹی اپنے بیانیے کو مزید موثر کرے،اس طرح معاملات حل نہیں ہوں گے، کسطرح سابق وزیراعظم کی ملاقات روکی جاسکتی یے، جو سلوک کیا جا رہا ہے، وہ سب کے سامنے ہے، اگر میری ملاقات روکی جاتی ہے تو پارٹی کی پارلیمانی کمیٹی کو جیل کے باہر احتجاج کرنا چاہیئے،بانی کا مزید کہنا تھا کہ ورکرز صرف میری رہائی دیکھنا چاہتے ہیں، بشری بی بی نے کہا میرے 4 فوکل پرسن ہیں،ان کے علاؤہ کوئی نہیں ہے، بیرسٹر رائے سلمان کھرل، مبشر مقصود اعوان، نعیم پنجھوتہ، خالد یوسف چوہدری میرے فوکل پرسن ہیں، بیرسٹر سلمان صفدر نے چوہدری ظہیر عباس کا نام دیا جس کو بانی پی ٹی آئی نے قبول کرلیا، بانی پی ٹی آئی جیل سے باہر میڈیا بریفنگ کے لیے نیاز اللہ نیازی کو اپنا ترجمان مقرر کردیا۔