بیرون مالک جانے والے پاکستانیوں کیلیے ریٹرن ٹکٹ لازمی، ضابطہ اخلاق جاری

وزٹ ویزا کے حامل مسافروں کیلیے بیرون ملک روانگی  کے لیے ایک ہی ائیرلائن کا دوطرفہ ٹکٹ لازم قرار دے دیا گیا ہے۔

تفصیلات کے مطابق  ایف آئی اے،سول ایوی ایشن اتھارٹی نے تمام ملکی وغیرملکی ایئرلائنز کو مراسلے ارسال کردئیے، جس میں دونوں اداروں نے کہا ہے کہ  ایسے مسافروں کو بورڈنگ کارڈ کسی صورت جاری نہ کیے جائیں جن کے پاس ریٹرن ٹکٹ نہ ہو۔

اعلامیے میں کہا گیا ہے کہ بیرون ممالک خصوصابنکاک، ملائیشیا اوردبئی جانے والوں مسافروں کے لئے ہدایات پرعملدرآمد لازمی قرار  ہے جبکہ وزٹ ویزوں پر جاری دوطرفہ ٹکٹ کے لئے الگ الگ ایئرلائنز ٹکٹ کی صورت میں پی این آرنمبر بھی ایک ہونا لازم  ہے۔

مراسلے میں کہا گیا ہے کہ ایئرپورٹ پرلوپروفائل کے حامل مسافروں کو ہدایات کے تحت لازمی چیک کیا جائے۔