چلاس میں مسافر بس کھائی میں گرنے سے 20 افراد جاں بحق

شاہراہ قراقرم پر راولپنڈی سے گلگت جانے والی مسافر بس چلاس کے قریب بس کھائی میں گرنے سے 20 افراد جاں بحق ہوگئے۔

تفصیلات کے مطابق بس حادثے کے 21 زخمی اسپتال میں زیر علاج ہیں، حادثہ یشوخل داس کے مقام پر پیش آیا، بس میں 30 سے زائد مسافر سوار تھے۔

ڈائریکٹر محکمہ صحت کے مطابق جاں بحق ہونے والوں میں 3 خواتین بھی شامل ہیں۔

حادثہ علی الصبح پیش آیا جس کے فوری بعد ریسکیو، پولیس اور مقامی افراد نے ریسکیو آپریشن میں حصہ لیا۔ ریجنل اسپتال میں ایمرجنسی نافذ کر کے شہریوں سے زخمیوں کے لیے خون کی اپیل کی گئی ہے۔

رپورٹس کے مطابق حادثے کا شکار مسافر بس راولپنڈی سے گلگت جارہی تھی۔

ڈپٹی کمشنر فیاض خان کے مطابق متاثرہ علاقے میں ریسکیو آپریشن مکمل کرلیا گیا ہے، ریسکیو آپریشن میں آرمی کے ہیلی کاپٹرز نے بھی حصہ لیا، متاثرہ افراد کے اہل خانہ سے رابطے میں ہیں۔