گورنر سندھ کی کرسی خطرے میں، کاؤنٹ ڈاؤن شروع!

سانحہ گل پلازہ کے بعد گورنر سندھ کے خلاف ایک نیا محاذ کھل گیا ہے اور اب دعویٰ کیا جارہا ہے کہ اُن کی گورنری صرف 10 یا 15 دن کی رہ گئی ہے۔

تفصیلات کے مطابق پاکستان پیپلزپارٹی کے رہنما تیمور تالپور نے نجی ٹی وی پروگرام میں کہا کہ  گورنر سندھ کا عہدہ ایک لسانی جماعت کے لیے استعمال ہورہا ہے۔

انہوں نے کہا کہ کامران ٹیسوری نے جو زبان استعمال کی اس سے گریز کرنا بہتر ہوتا ہے، اُن کا کہنا تھا کہ  گورنر سندھ کی گھبراہٹ دیکھی ایسے بیانات انہوں نے پہلے نہیں دیے ہیں۔ 

تیمور تالپور نے کہا کہ گورنر سندھ کا کاؤنٹ ڈاؤن شروع ہوگیا اور ان کے پاس صرف 15 دن باقی ہیں لیکن 20 نہیں ہوسکتے۔

پی پی رہنما کے اس بیان کے بعد اب یہ چہ مگوئیاں شروع ہوگئیں ہیں کہ گورنر سندھ کی کرسی خطرے میں ہے۔