جی ایچ کیو حملہ کیس میں بانی پی ٹی آئی کی بریت کی درخواست مسترد

راولپنڈی:انسداد دہشت گردی عدالت نے 9 مئی جی ایچ کیو حملہ کیس سے بانی پی ٹی آئی سمیت تین رہنماں کی درخواست بریت مسترد کردی، پراسیکیوشن نے بریت کے خلاف دلائل دئیے عدالت نے جن سے اتفاق کرلیا۔

ذرائع کے مطابق انسداد دہشت گردی عدالت کے جج امجد علی شاہ نے بانی پی ٹی آئی عمران خان، کرنل (ر)اجمل صابر اور سہیل عرفان عباسی کی 9 مئی جی ایچ کیو حملہ کیس میں دائر درخواست بریت کو مسترد کردیا تھا۔

پراسیکیوٹر ظہیر شاہ نے انسداد دہشت گردی عدالت میں درخواستوں کی سماعت کے دوران دلائل دیتے کہا کہ مقدمہ کا ٹرائل جاری ہے، 12 عینی شاہدین گواہوں کے بیانات ریکارڈ ہوچکے ہیں، س وقت درخواست بریت کی سماعت مناسب نہیں۔

پراسیکیوٹر کا مزید کہنا تھا کہ عدالت پراسیکیوشن کو شہادت ریکارڈ کرانے کا موقع دے، اس سے قبل شیخ رشید کی درخواست بریت بھی ٹرائل عدالت نے مسترد کی جبکہ ہائی کورٹ نے بھی ٹرائل کورٹ کا فیصلہ برقرار رکھا۔

پراسیکیوشن کے دلائل سے اتفاق کرتے ہوئے عدالت نے تینوں درخواستیں مسترد کردیں۔