خان صاحب کی کمزوری نہیں بنوں گی، بشری بی بی کا گرفتاری سے قبل بیان

سابق خاتون اول بشری بی بی احتساب عدالت کے جج کی جانب سے توشہ خانہ ریفرنس کا فیصلہ سنائے جانے کے بعد خود گرفتاری دینے اڈیالہ جیل پہنچیں۔

اڈیالہ جیل پہنچتے ہی وہاں پر موجود نیب کی ٹیم نے بشری بی بی کو حراست میں لیا۔

بشری بی بی نے گرفتاری سے قبل بیان دیا کہ میں خان صاحب کی کمزوری ہرگز نہیں بنوں گی۔

واضح رہے کہ احتساب عدالت نے عمران خان اور بشری بی بی کو توشہ خانہ ریفرنس میں 14، 14 سال قید اور ایک ارب روپے سے زائد کی سزا سنائی ہے۔

عمران خان کو عدالت نے دس سال کیلیے نااہل بھی قرار دیا ہے۔