کراچی میں گرمی کی شدید شدت برقرار رہنے کا امکان

کراچی میں گرمی کی لہر برقرار ہے اور درجہ حرارت میں مزید اضافے کا امکان ہے۔

محکمہ موسمیات کے ماہرین کا کہنا ہے کہ شہر میں آئندہ24 گھنٹوں کے دوران موسم گرم اور انتہائی مرطوب رہے گا جب کہ آج درجہ حرارت 36 سے 38 ڈگری سینٹی گریڈ تک جانے کا امکان ہے۔

موسمیاتی تجزیہ کار کے مطابق شہر میں گرمی کی شدت 40 سے 42 ڈگری سینٹی گریڈ تک محسوس کی جائے گی۔

ماہرین نے شہریوں کو مشورہ دیا ہے کہ وہ دن کے اوقات میں بنا ضرورت گھروں سے نکلنے سے گریز کریں اور اگر جانا ہو تو سر ڈھانپے کا بندوبست کر کے نکلیں۔

اسی کے ساتھ پانی اور نمکول کا زیادہ سے زیادہ استعمال کریں۔