کراچی میں الیکشن کمیشن کے آفس کے باہر زور دار دھماکا

شہر قائد میں الیکشن کمیشن آفس کے باہر زور دار دھماکا ہوا ہے۔

پولیس کے مطابق کراچی میں پاسپورٹ آفس کے قریب الیکشن کمیشن کے آفس کے باہر دھماکا ہوا ہے، جس کے بعد بم ڈسپوزل اسکواڈ کو طلب کرلیا گیا ہے۔

پولیس کا کہنا ہے کہ دھماکے کی شدت اور نوعیت کا تعین کیا جارہا ہے۔ ابتدائی تفتیش میں یہ بات سامنے آئی کہ دھماکا خیز مواد شاپنگ بیگ میں تھا جو الیکشن کمیشن آفس کی دیوار کے ساتھ کسی نے رکھا تھا۔

پولیس نے بتایا کہ دھماکے کی آواز صدر اور اطراف میں سنی گئی تاہم اس سے کوئی جانی نقصان یا زخمی نہیں ہوا البتہ دیوار کو نقصان پہنچا ہے۔