کراچی آنے والی امریکی خاتون اسی طرز کی کہانی پر 2021 میں گرفتار ہوچکی ہے، بڑا انکشاف

کراچی کے نوجوان کی محبت میں گرفتار امریکی خاتون اونیجا اینڈریو رابنسن کے حوالے سے اہم انکشاف سامنے آیا ہے۔

ذرائع کے مطابق مذکورہ امریکی خاتون اسی طرز کی کہانی پر 2021 میں گرفتار ہوچکی ہے۔

میڈیا رپورٹ کے مطابق پاکستان کے بڑے شہر کراچی آکر اپنی محبت کا دعویٰ کرنے والی خاتون اس سے قبل ساؤتھ کیلی رونیا میں 2021 مین گرفتار ہوچکی ہے۔

امریکی ویب سائٹ کی رپورٹ کے مطابق فروری 2021 میں بھی خاتون نے اس قسم کی حرکت کی اور وہ بغیر اجازت کے داخل ہوئی تھی جس پر اُسے متنبہ کرنے کے بعد انتظامیہ نے گرفتار کرلیا تھا۔

بعد ازاں خاتون کی عدالت نے 465 ڈالر کے عوض ضمانتی مچلکے جمع کراے کا حکم دیا تھا۔

ویب سائٹ کے مطابق ابھی اس بات کی تصدیق نہیں ہوئی کہ خاتون نے یہ رقم جمع کرائی تھی یا نہیں، اس حوالے سے صورت حال واضح نہیں ہے۔

واضح رہے کہ رابنسن نے گزشتہ روز امریکا روانگی سے انکار کیا اور پھر وہ رات گئے گارڈن میں قائم لڑکے کے اپارٹمنٹ پہنچ گئیں تھیں۔