کارساز حادثہ، عدالت نے نتاشہ دانش کو بری کردیا

عدالت نے کارساز ٹریفک حادثہ کیس کی مرکزی ملزمہ نتاشہ دانش کو بری کردیا۔

عدالت نے کارساز کے مقام پر باپ اور بیٹی کو کچلنے والی ملزمہ کو متوفین کے اہل خانہ سے صلح نامے کی بنیاد پر بری کیا۔

واضح رہے کہ ایک ماہ قبل ملزمہ کو متوفین کے اہل خانہ نے صلح نامے کے بعد معاف کیا تھا۔ اطلاعات تھیں کہ فریقین کے درمیان دیت کی رقم کے تحت صلح نامہ ہوا جبکہ اہل خانہ نے کہا تھا کہ انہوں نے کوئی دیت کی رقم یا معاہدہ نہیں کیا بلکہ خالصتا اللہ کی رضا کیلیے معاف کیا ہے۔