لاہور ہائیکورٹ، مریم نواز، خواجہ آصف سمیت 18 حلقوں کے نتائج کیخلاف درخواستیں مسترد

لاہور ہائیکورٹ نے انتخابی نتائج میں تبدیلی کے خلاف پاکستان تحریک انصاف کے حمایت یافتہ آزاد امیدواروں کی درخواستوں کو مسترد کردیا۔

لاہور ہائیکورٹ کے جسٹس باقر نجفی نے سلمان اکرام راجہ کی جانب سے انتخابی نتائج میں تبدیلی سے متعلق درخواست پر محفوظ فیصلہ سنایا۔

عدالت نے درخواست کو مسترد کرتے ہوئے سلمان اکرم راجہ کو الیکشن کمیشن آف پاکستان سے رجوع کرنے کا حکم دیا۔

لاہور ہائیکورٹ نے مریم نواز، عطا تارڑ، عون چوہدری، علیم خان اور خواجہ آصف سمیت 18 حلقوں کے انتخابی نتائج کے خلاف دائر درخواستوں کو بھی مسترد کرتے ہوئے محفوظ فیصلہ سنایا۔