الیکشن میں ہم ملک دشمن قوتوں کا ڈٹ کر مقابلہ کررہے ہیں، افضل مروت

پاکستان تحریک انصاف کے نائب صدر اور آزاد امیدوار شیر افضل مروت نے کہا ہے کہ الیکشن میں ہمارا مقابلہ ملک دشمنوں سے ہے، جن سے ہم ڈٹ کر مقابلہ کررہے ہیں۔

کرک میں ورکرز کنونشن سے خطاب کرتے ہوئے شیر افضل مروت نے کہا کہ تھانیدار نے جو بد معاشی شروع کی ہے وہ ناقابل برادشت ہے، آج عدالت بھی مقتدر قوتوں کے سامنے سر نگوں ہو چکی ہیں۔

انہوں نے بتایا کہ پی ٹی آئی کے حمایتی یافتہ امیدوار کے حق میں کامران خٹک دستبردار ہو گیا ہے۔

شہر افضل مروت کا کہنا تھا کہ قائد عمران خان کے وژن نے سب کو شکست سے دوچار کیا، حمایتی یافتہ امیدواع شاہد خٹک ،میجر ریٹائرڈ سجاد بارکوال اور خورشید خٹک کی کامیابی کی ذمہ داری عوام پر ہے۔

پی ٹی آئی کے نائب صدر نے کہا کہ ہمارا مقابلہ وطن دشمنوں سے ہے ڈٹ کر مقابلہ کر رہے ہیں۔