ملک کے بیشترعلاقوں میں شدید سردی، پہاڑوں پر برفباری

پاکستان کے بیشتر علاقوں میں شدید سردی کی لہر جاری ہے، جبکہ بعض میں کمی کا امکان ہے۔

محکمہ موسمیات کا اپنے بیان میں کہنا ہے کہ آج پنجاب کے بعض مقامات پر ہلکی دھند چھائے رہنے کا امکان ہے۔

رات میں شمال مغربی بلو چستان میں مطلع ابر آلود رہنے کے علاوہ ہلکی بارش اور پہاڑوں پر برفباری کی توقع ہے۔

ہنزہ منفی 06، لہہ میں منفی13، اسکردو اور استور میں منفی11، گلگت ،کالام، قلات اور کوئٹہ میں منفی05 ڈگری سینٹی گریڈ ریکارڈ کیا گیا۔

اس کے علاوہ سرگودھا ،ڈیرا غازی خان ،فیصل آباد4، سکھر،ڈیرا اسماعیل خان5، اسلام آباد ،مری صفر، موہنجوڈاڑو1، پشاور،مظفر آباد2، ملتان،نوابشاہ6، لاہور،ساہیوال7، اور کراچی میں کم سے کم درجہ حرارت 13ڈگری سینٹی گریڈ ریکارڈ کیا گیا۔