مراد سعید کو تمغہ شجاعت دینے کی قرارداد کثرت رائے سے منظور

خیبرپختونخوا اسمبلی نے پاکستان تحریک انصاف کے روپوش رہنما مراد سعید کو تمغہ شجاعت دینے کی قرارداد کثرت رائے سے منظور کرلی۔

تفصیلات کے مطابق تحریک انصاف کے رکن صوبائی اسمبلی سہیل آفریدی نے ایوان میں مراد سعید کے حق میں قرارداد پیش کی جس میں اُن پر درج مقدمات فوری طور پر ختم کرنے کا مطالبہ بھی کیا گیا ہے۔

قرارداد میں مطالبہ کیا گیا ہے کہ مراد سعید کو سوات میں امن کی بحالی کیلیے خدمات انجام دینے پر تمغہ شجاعت دیا جائے اور انہیں منظر عام پر لاکر سیکیورٹی و تحفظ فراہم کیا جائے۔ قرارداد میں مزید  کہا گیا کہ مراد سعید کی وطن سے بے لوث محبت کو غداری قرار دیا گیا۔

ایوان نے مراد سعید کے حوالے سے پیش کی جانے والی قرارداد کو کثرت رائے سے منظور کرلیا۔