مولانا فضل الرحمان کے قافلے پر فائرنگ

خیبر پختونخوا کے ضلع ڈیرہ اسماعیل خان میں قائد جمعیت مولانا فضل الرحمان کے قافلے پر حملہ ہوا ہے۔

ذرائع کے مطابق جے یو آئی کے سربراہ کے قافلے پر فائرنگ کی گئی تاہم مولانا فضل الرحمان سمیت تمام لوگ محفوظ رہے۔

واضح رہے کہ چند روز قبل ایک سیکیورٹی اداروں کی جانب سے الرٹ جاری کیا گیا تھا۔

الرٹ میں بتایا گیا تھا کہ دہشت گرد ایمل ولی خان اور فضل الرحمان کو نشانہ بنانا چاہتے ہیں، جس کی مصدقہ اطلاعات موصول ہوئیں ہیں۔

الرٹ میں دونوں رہنماؤں کو اپنی نقل و حرکت انتہائی محدود اور خفیہ رکھنے کی ہدایت کی گئی تھی۔