موسم سرما کیلئے اسکول اور کالجز میں 65 دن کی تعطیلات کا اعلان

محکمہ تعلیم بلوچستان نے صوبے بھر کے اسکولوں اور کالجوں میں موسم سرما کی تعطیلات کے شیڈول کا باضابطہ اعلان کر دیا ہے۔

ہفتہ کو جاری کردہ نوٹیفکیشن کے مطابق بلوچستان کے سرد علاقوں میں تعلیمی ادارے 16 دسمبر 2024 سے 28 فروری 2025 تک 65 دن کے لیے بند رہیں گے۔

اس کے برعکس، گرم علاقوں کے تعلیمی ادارے یکم جنوری سے 10 جنوری 2025 تک سردیوں کی مختصر چھٹیاں منائیں گے۔

یہ فیصلہ اس وقت سامنے آیا ہے جب خطے میں درجہ حرارت میں کمی دیکھی جارہی ہے ۔سرد موسم برقرار رہنے کی توقع ہے۔ یہ اقدام طلبا کی موسمی ضروریات کے مطابق ہے اور انتہائی سردی کے مہینوں میں ان کی حفاظت کو یقینی بناتا ہے۔

اس کے برعکس پنجاب میں 20 دسمبر 2024 سے 10 جنوری 2025 تک اسکول بند رہیں گے، طلبا کو 20 دن کا وقفہ دیا جائے گا۔

مقامی ماہرین موسمیات نے بلوچستان میں آنے والے ہفتوں میں درجہ حرارت میں مزید کمی کی پیش گوئی کی ہے، پہاڑی علاقوں میں درجہ حرارت صفر سے نیچے رہے گا۔