میئر کراچی کا 12 ہزار سے زائد اسٹریٹ لائٹس لگانے کا اعلان

میئر کراچی مرتضیٰ وہاب نے رمضان المبارک میں شہر کی 246 یوسیز میں 12 ہزار سے زائد اسٹریٹ لائٹس لگانے کا اعلان کردیا۔

کے ایم سی ہیڈ آفس میں اسٹریٹ لائٹس تقسیم کرنے کی تقریب سے خطاب میں مرتضی وہاب نے کہا کہ کراچی کی روشنیاں واپس لارہے ہیں۔

انہوں نے کہا کہ رمضان المبارک میں کراچی کی 246 یوسیز میں 12 ہزار سے زیادہ اسٹریٹ لائٹس لگائی جائیں گیں۔

انہوں نے کہا کہ تمام چیئرمینوں کو 50، 50 اسٹریٹ لائٹس دی جارہی ہیں۔

واضح رہے کہ کراچی کی مین شاہراہوں اور گلیوں میں اسٹریٹ لائٹس نہ ہونے کی وجہ سے بھی جرائم کی شرح میں اضافہ ہوتا ہے۔