ن لیگ، پی پی اور ایم کیو ایم کی عبرت ناک جیت کو ہمیشہ یاد رکھا جائے گا، سراج الحق

جماعت اسلامی پاکستان کے امیر سراج الحق نے کہا ہے کہ ن لیگ، پی پی اور ایم کیو ایم کی عبرت ناک جیت کو ہمیشہ یاد رکھا جائے گا۔

جماعت اسلامی کے مرکز منصورہ سے جاری اپنے بیان میں سراج الحق نے کہا کہ سلیکٹڈ، امپورٹڈ سے ناقص وزیراعظم کی تشکیل کا سفر جاری ہے، جس ملک میں عوام کے ووٹ کی قدر نہ ہو وہ دنیا میں تماشا بن جاتا ہے۔

انہوں نے کہا کہ 8 فروری کی رات پولنگ سٹیشنوں پر نہیں قوم کے مستقبل پر ڈاکا ڈالا گیا، 2024ء کے انتخابات میں جیتنے والے ہارنے والوں سے زیادہ پریشان ہیں۔

سراج الحق نے کہا کہ ووٹ چوری کرکے نوجوانوں کو مزید مایوس کیا گیا۔ 65 فیصد آبادی کو ناامیدی کے اندھیروں سے نکالیں گے۔ ہمیں سویلین بالادستی قائم کرنا ہو گی۔ جماعت اسلامی کے امیر نے مطالبہ کیا کہ عوام کے فیصلوں اور مینڈیٹ کا احترام کیا جائے۔