نامزد وزیر اعلی پنجاب میاں اسلم اقبال کو گرفتار کرلیا گیا

پاکستان تحریک انصاف نے نامزد وزیراعلیٰ میاں اسلم اقبال کی گرفتاری کا دعویٰ کیا ہے۔

پاکستان تحریک انصاف کے ترجمان کی جانب سے جاری اعلامیے میں کہا گیا ہے کہ پولیس اور قانون نافذ کرنے والے اداروں نے ضمانت ملنے اور پرٹیکشن آرڈر جاری ہونے کے باوجود بھی میاں اسلم اقبال کو گرفتار کرلیا۔

ذرائع کے مطابق میاں اسلم اقبال کو لاہور سے گرفتار کیا گیا جس کے بعد انہیں نامعلوم مقام پر منتقل کردیا گیا ہے۔

واضح رہے کہ پنجاب اسمبلی کے آج ہونے والے اجلاس میں پولیس نو مئی میں ملوث ملزمان کی گرفتاری کیلیے ایوان کے باہر موجود تھی، تاہم اسپیکر اسمبلی سبطین خان نے میاں اسلم اقبال کے پرٹیکشن آرڈر بھی جاری کیے تھے اور اس کے باوجود وہ اجلاس میں شریک نہیں ہوسکے تھے۔