انتخابی ضابطہ اخلاق کی خلاف ورزی پر میئر کراچی کو سزا

الیکشن کمیشن نے انتخابی ضابطہ اخلاق کی خلاف ورزی کا جرم ثابت ہونے پر میئر کراچی بیرسٹر مرتضی وہاب پر 49 ہزار 900 روپے جرمانہ کردیا۔

ڈسٹرکٹ مانیٹرنگ افسر ضلع وسطی سید حسن عباس جعفری کے حکم نامہ کے مطابق میئر کراچی مرتضی وہاب عام انتخابات 2024 کے ضابطہ اخلاق کی خلاف ورزی کے مرتکب پائے گئے۔

حکم نامے میں مطابق میئر کراچی ایک سیاسی جماعت کی انتخابی مہم چلانے کے شوکاز کے جواب میں اپنی پوزیشن کی وضاحت پیش کرنے سے بھی قاصر رہے لہذا  ان کی مسلسل غیر حاضری کی وجہ سے ان پر 49900 روپے جرمانہ عائد کیا جارہا ہے۔