نواز شریف کا اگلے ہفتے لندن روانگی کا امکان

لاہور: پاکستان مسلم لیگ (ن) کے صدر میاں محمد نواز شریف اگلے ہفتے لندن جانے والے ہیں، جہاں ان کا معمول کا طبی معائنہ ہوگا۔

 خاندانی ذرائع کے مطابق، وہ لندن میں پارٹی ورکرز کے اوورسیز کنونشن سے بھی خطاب کریں گے۔  

وزیراعلیٰ پنجاب مریم نواز شریف کے بھی اپنے والد کے ہمراہ لندن جانے کا قوی امکان ہے۔

 ذرائع کے مطابق، نواز شریف تقریباً دو ہفتے تک لندن میں قیام کریں گے۔  

اسی دوران، وزیراعظم شہباز شریف بیلاروس سے لندن پہنچیں گے، جہاں شریف خاندان کی اہم ملاقاتیں بھی شیڈول ہیں۔

 ذرائع نے بتایا کہ لندن کے دورے کے دوران سیاسی اور خاندانی امور پر بھی تبادلہ خیال ہوگا۔  

نواز شریف کا یہ دورہ ان کی صحت اور پارٹی سرگرمیوں سے متعلق اہم قرار دیا جا رہا ہے۔