نیپرا نے کے الیکٹرک پر ڈھائی کروڑ روپے جرمانہ عائد کر دیا

اسلام آباد: نیشنل الیکٹرک پاور ریگولیٹری اتھارٹی نیپرا کی جانب سے کے الیکٹرک پر ڈھائی کروڑ روپے جرمانہ عائد کر دیا گیا۔

نیپرا کا اس حوالے سے کہنا ہے کہ الیکٹرک پر جرمانہ جنوری 2023 میں پاور بریک ڈان کے بعد بحالی میں ناکامی پر لگایا گیا۔

نیپرا کے مطابق کے الیکٹرک اپنی آپریشنز ذمہ داریاں ادا کرنے میں ناکام رہا، بار بارٹریپنگ سے ظاہر ہوا بلیک اسٹارٹ فیسلیٹی کی موک ٹیسٹنگ کا فقدان تھا۔

  کے الیکٹرک کو 15 روز میں جرمانہ بینک میں جمع کرانے کا حکم دیا گیا ہے۔

ترجمان کے الیکٹرک کے مطابق جنوری 2023 میں این ٹی ڈی سی سسٹم میں خرابی کے باعث پاور بریک ڈان پر کے الیکٹرک کو جرمانہ باعث حیرت ہے۔

 ترجمان کے الیکٹرک کے مطابق  نیپرا اتھارٹی کے فیصلے کا تفصیلی جائزہ لے رہے ہیں جس کے بعد آگے کا لائحہ عمل طے کریں گے۔