پاکستان، افغانستان سمیت مختلف ممالک میں شدید زلزلہ

پاکستان، افغانستان، تاجکستان سمیت مختلف ممالک میں 5.6 شدت کا زلزلہ آیا ہے۔

تفصیلات کے مطابق منگل اور بدھ کی درمیانی شب 5.6 شدت زلزلے کے شدید جھٹکوں نے عوام کو ہلا کر رکھ دیا۔

زلزلے کے جھٹکے لاہور اور گردونواح، اسلام آباد، راولپنڈی، صوابی، دیر، سوات، مالاکنڈ اور چترال سمیت کئی شہروں میں محسوس کیے گئے، پشاور، مالاکنڈ، ایبٹ آباد اور بٹ گرام میں بھی زمین لرز اٹھی۔

زلزلہ مقامی وقت کے مطابق رات 4 بج کر 13 منٹ پر آیا، زلزلے کی شدت 5.6 ریکارڈ کی گئی، جس کی شدت اس قدر تھی کہ لوگ نیند سے جاگ کر خوفزدہ حالت میں گھروں سے باہر نکل آئے۔

جیالوجیکل سروے کے مطابق ہندوکش ریجن افغانستان میں زلزلے کی شدت 5.6 اور گہرائی 69 کلومیٹر ریکارڈ کی گئی۔

زلزلے کا مرکز افغان علاقے کلفغان سے 108 کلومیٹر دور مشرق میں تھا۔

زلزلے کے نتیجے میں کسی جانی یا مالی نقصان کی اطلاع نہیں ملی جبکہ دیگر ممالک سے ابھی تصدیق ہونا باقی ہے۔