پاکستان میں رجسٹرڈ ووٹرز کی تعداد 13 کروڑ 15 لاکھ سے متجاوز

الیکشن کمیشن آف پاکستان نے ملک بھر میں رجسٹرڈ ووٹرز کے تازہ ترین اعداد و شمار جاری کردیے۔

الیکشن کمیشن کی جانب سے جاری کردہ اعداد و شمار کے مطابق پاکستان میں رجسٹرڈ ووٹرز کی تعداد 13کروڑ 15 لاکھ 31ہزار645 تک پہنچ گئی ہے۔

صوبائی اعتبار سے پنجاب میں سات کروڑ48لاکھ،91ہزار495 ووٹرز رجسٹرڈ ہیں، سندھ میں دو کروڑ 48 لاکھ، 89 ہزار227ووٹرز رجسٹرڈ ہیں۔

اعلامیے کے مطابق خیبرپختونخوا میں دو کروڑ24 لاکھ، 1 ہزار742 ووٹرز رجسٹرڈ ہیں، بلوچستان میں 54 لاکھ، 94 ہزار710 ووٹرز رجسٹرڈ ہیں۔

الیکشن کمیشن کے مطابق اسلام آباد میں 11 لاکھ 54 ہزار471 رجسٹرڈ ووٹرز ہیں۔