پارا چنار کے واقعات پر کراچی کے مختلف مقامات پر دھرنے جاری

کراچی میں 12 مقامات پر پارا چنار اور کرم کے راستوں کی بندش کے خلاف مذہبی جماعت کے دھرنے جاری ہیں۔

کراچی کے مختلف مقامات پر پارا چنار اور اپر کرم میں راستوں کی بندش کے خلاف مذہبی جماعت کے دھرنے آج تیسرے دن بھی جاری ہیں۔

ذرائع کا کہنا ہے کہ مذہبی جماعت کی جانب سے نمائش چورنگی، ناتھا خان، ملیر 15، شارع فیصل، انچولی سوسائٹی، ناظم آباد نمبر  1 اور کامران چورنگی پر دھرنے جاری ہیں۔

اس کے علاوہ یونیورسٹی روڈ اتوار بازار، سرجانی ٹاون، نیشنل ہائی وے اور فائیو اسٹار چورنگی پر بھی دھرنے دیئے جارہے ہیں، دھرنوں کے باعث سڑکیں بند ہیں جبکہ ٹریفک کے شدید دبا سے شہریوں کو پریشانی کا سامنا ہے۔

یاد رہے کہ کرم میں امن کے لیے گرینڈ جرگے میں فریقین کے درمیان معاہدے کو حتمی شکل دیدی گئی ہے اور فریقین کی جانب سیمعاہدے پر جلد دستخط کا امکان ہے۔