پی ٹی آئی نے شیر افضل مروت کو کس شرط پر دوبارہ موقع دیا؟

پاکستان تحریک انصاف نے اپنے متحرک اور معطل رہنما کو ایک بار پھر پارٹی میں ایکٹیو کردیا ہے۔

شیر افضل مروت کو چند ماہ قبل نظم و ضبط کی خلاف ورزی پر پی ٹی آئی نے شوکاز نوٹس دے کر پارٹی سے سائیڈ لائن کردیا تھا۔ تاہم اب وہ ایک بار پھر متحرک ہوگئے ہیں۔

شیر افضل مروت نے دو روز قبل اڈیالہ جیل میں عمران خان سے بھی ملاقات کی جس میں انہوں نے احتجاجی مظاہروں کے حوالے سے بھی بات کی۔

اب پاکستان تحریک انصاف کے سیکریٹری جنرل سلمان اکرم راجہ نے بتایا کہ شیر افضل مروت کو ایک اور موقع دے دیا گیا ہے۔ انہوں نے شرط بتاتے ہوئے کہا کہ اگر شیر افضل مروت نے پارٹی نظم و ضبط کی خلاف ورزی کی تو پھر سخت کارروائی کی جائے گی۔

انہوں نے کہا کہ احتجاج کا اعلان جلد کریں گے پیچھے نہیں ہٹیں گے، اس کی تفصیلات یہاں نہیں بتا سکتا ، اسلام آباد میں جلسہ ایک دن کا ہوگا یا دھرنا دینا ہے ہمارے پاس تمام آپشن موجود ہیں۔