پی ٹی آئی رہنما کا شیر افضل مروت کو ایک ارب روپے ہرجانے کا نوٹس

پاکستان تحریک انصاف کے رہنما تیمور سلیم جھگڑا نے شیر افضل مروت کو الزامات عائد کرنے پر ایک ارب روپے ہرجانے کا نوٹس بھیج دیا۔

تفصیلات کے مطابق رہنما پاکستان تحریک انصاف تیمور سلیم جھگڑا نے کرپشن کے الزامات عائد کرنے پر شیر افضل مروت کو ایک ارب روپے ہرجانے کا نوٹس بھیجا ہے۔

سابق صوبائی وزیر خزانہ تیمور سلیم جھگڑا نے ممبر قومی اسمبلی شیر افضل مروت کو بھیجے گئے نوٹس میں کہا کہ شیر افضل مروت نے ٹی وی شوز میں انکے خلاف کرپشن کے بے بنیاد الزامات لگائے، 14 دن کے اندر لگائے گئے الزامات ثابت کئے جائیں۔

انہوں نے کہا کہ اگر الزامات ثابت نہیں کرتے تو شیر افضل مروت انہیں ایک ارب روپے ادا کریں کیونکہ ان الزامات سے اُن کی ساکھ کو نقصان پہنچا ہے۔