پی ٹی آئی رہنما ریحانہ ڈار سمیت کئی خواتین سیالکوٹ میں گرفتار

پاکستان تحریک انصاف کے رہنما عثمان ڈار کی والدہ اور پی ٹی آئی کی امیدوار ریحانہ ڈار کو پولیس نے سیالکوٹ سے گرفتار کرلیا۔

اپنی والدہ کی گرفتاری کے حوالے سے عثمان ڈار نے سماجی رابطے کی سائٹ پر اپ ڈیٹ شیئر کی اور بتایا کہ اُن کی والدہ نے سانحہ نو مئی کے حوالے سے پُرامن احتجاج کی کال دی تھی۔

عمر ڈار کے مطابق والدہ کو پولیس نے گھر کے باہر سے گرفتار کر کے نامعلوم مقام پر منتقل کردیا ہے جبکہ اُن کے ہمراہ تحریک انصاف کی دیگر خواتین کارکنان کو بھی گرفتار کیا گیا ہے۔

واضح رہے کہ ریحانہ ڈار نے قومی اسمبلی کے حلقہ این اے 71 سے مسلم لیگ ن کے خواجہ آصف کے خلاف الیکشن لڑا تھا جہاں انہیں وزیر دفاع کے خلاف شکست کا سامنا کرنا پڑا تھا۔