قاضی فائز عیسی نے چیف جسٹس نامزد ہونے پر یحیی آفریدی کو کیا کہا؟

پارلیمان کی خصوصی کمیٹی کی نامزدگی اور وزیر اعظم کی سفارش پر جسٹس یحییٰ آفریدی کو نیا چیف جسٹس تعینات کردیا گیا ہے جو جمعے کو اپنے عہدے کا حلف اٹھائیں گے۔

چیف جسٹس کی تقرری کا نوٹی فکیشن جاری ہونے کے بعد چیف جسٹس پاکستان قاضی فائز عیسی اور نامزد چیف جسٹس یحیی آفریدی کے درمیان اہم ملاقات چیس جسٹس کے چیمبر میں ہوئی۔

ملاقات میں چیف جسٹس قاضی فائز عیسی نے نامزد چیف جسٹس یحیی آفریدی کو تعیناتی پر مبارک باد پیش کی۔ جس پر جواب میں یحیی آفریدی نے اُن کا شکریہ ادا کر کے مبارک باد قبول کرلی۔

بعد ازاں جسٹس یحیی آفریدی نے جسٹس منصور علی شاہ کے چیمبر میں جاکر ان سے ملاقات کی۔