رجب بٹ اور ندیم نانی والا کی ضمانت میں توسیع

لاہور کی سیشن کورٹ میں جوئے ایپ کی مبینہ پروموشن سے متعلق مقدمے میں معروف ٹک ٹاکرز رجب بٹ اور ندیم مبارک کی عبوری ضمانت کی درخواستوں پر سماعت ہوئی۔

سماعت ایڈیشنل سیشن جج منصور احمد قریشی نے کی۔ اس موقع پر این سی سی آئی اے کے وکیل نے عدالت کو بتایا کہ تفتیشی افسر اس وقت لاہور ہائیکورٹ میں مصروف ہے، اس لیے ریکارڈ پیش کرنے کے لیے مہلت دی جائے۔

عدالت نے وکیل کی استدعا منظور کرتے ہوئے عبوری ضمانت کی درخواستوں کو انتظار میں رکھ لیا۔ ساتھ ہی عدالت نے دونوں ملزمان کی حاضری مکمل کرتے ہوئے انہیں کمرۂ عدالت سے جانے کی اجازت دے دی۔

سماعت کے دوران رجب بٹ اور ندیم مبارک کو سخت سکیورٹی میں عدالت پیش کیا گیا۔ واضح رہے کہ این سی سی آئی اے نے دونوں ٹک ٹاکرز کے خلاف جوئے ایپ کی تشہیر کے الزام میں مقدمہ درج کر رکھا ہے۔

عدالت نے آئندہ سماعت پر تفتیشی ریکارڈ پیش کرنے کی ہدایت کر دی ہے۔