صدرمملکت کی صحت سے متعلق اہم اپڈیٹ

صدر مملکت آصف زرداری روبصحت ہوگئے جس کے بعد انہیں اسپتال سے ڈسچارج کردیا گیا۔

ذرائع کے مطابق صدر مملکت آصف علی زرداری کئی روز سے کراچی کے نجی اسپتال میں زیر علاج تھے۔ صدر مملکت کے معالج ڈاکٹر عاصم حسین نے کہا کہ صدر مملکت کا کورونا ریپڈ ٹیسٹ منفی آیا ہے۔

اُن کا کہنا تھا کہ صدر مملکت روبصحت ہوگئے جس کے بعد اسپتال سے چھٹی مل گئی۔ ڈاکٹر عاصم حسین نے مزید کہا کہ کورونا ٹیسٹ منفی آنے کے بعد صدر زرداری کو اسپتال سے ڈسچارج کر دیا گیا۔

 انہوں نے کہا کہ ڈاکٹرز نے صدر آصف زرداری کو مزید فزیو تھراپی کا مشورہ دیا ہے۔