شعبان کا چاند نظر آگیا، شب برأت 13 فروری کو ہوگی، رمضان میں صرف 1 ماہ باقی

رویت ہلال کمیٹی نے شعبان المعظم 1446 ہجری کا چاند نظر آنے کا اعلان کردیا۔

تفصیلات کے مطابق شعبان کا چاند دیکھنے کیلئے رویت ہلال کمیٹی کا اجلاس چیئرمین مرکزی رویت ہلال کمیٹی پاکستان مولانا سید محمد عبدالخبیر آزاد کی زیر صدارت ہوا۔

جس میں کمیٹی کے اراکین  سمیت دیگر شعبوں کے ماہرین معاونت کیلیے موجود تھے۔ اس کے علاوہ زونل کمیٹیوں کے اجلاس، کراچی، لاہور، پشاور سمیت دیگر علاقوں میں ہوئے۔

اجلاس کے بعد میڈیا سے گفتگو کرتے ہوئے چئیرمین مرکزی رویت ہلال کمیٹی مولانا سید عبدالخبیر آزاد نے کہا کہ ملک کے اکثر و بیشتر مقامات پر مطلع صاف کچھ جگہوں پر مطلع آبر آلود رہا، کوئٹہ، تھر سے چاند نظر آنے کی شہادتیں موصول ہوگئی ہیں۔

انہوں نے اعلان کیا کہ کل بروز جمعہ یکم فروری کو یکم شعبان المعظم جبکہ 13 فروری کو شب برأت ہوگی۔

واضح رہے کہ شعبان المعظم اسلامی کلینڈر کا نواں مہینہ ہے اور اس کے بعد ماہ صیام کا برکتوں والا مہینہ شروع ہوتا ہے۔