شعیب ملک اور ثانیہ مرزا کے بیٹے کی سادگی سے روزہ کشائی

بھارتی ٹینس اسٹار ثانیہ مرزا نے انسٹاگرام پر اپنے بیٹے اذہان ملک کی روزہ کشائی کی تصویر شیئر کرتے ہوئے مسرت کا اظہار کیا ہے۔

ثانیہ نے اپنی انسٹاگرام اسٹوری پر ایزان کی تصویر پوسٹ کی جس میں وہ نیلے رنگ کے کرتا شلوار میں پھولوں کی مالا پہنے نظر آ رہے ہیں۔  

وہیں شعیب ملک نے بھی اپنے بیٹے کے لیے پیار بھرا پیغام پوسٹ کیا اور تصویر شیئر کرتے ہوئے لکھا کہ ’میرے چھوٹے  پہلے روزے کی مبارک ہو۔ بابا کو تم پر فخر ہے چیمپ‘‘۔

انہوں نے دعا دی کہ ’اللہ تمہارا روزہ قبول فرمائے اور ہمیشہ تمہیں برکت دے‘۔

یہ خوشگوار لمحات دونوں اسٹارز نے اپنے مداحوں کے ساتھ سوشل میڈیا پر شیئر کیے، جس پر بے تحاشا مبارک باد کے پیغامات موصول ہو رہے ہیں۔