شب معراج پر آج مساجد میں محافل ذکر و نعت اور دعاؤں کا خصوصی کا اہتمام

کراچی : ملک بھر میں شبِ معراج آج انتہائی عقیدت و احترام کے ساتھ منائی جائے گی، مساجد میں چراغاں اور عبادات کا اہتمام کیا گیا ہے، جبکہ درود و سلام کی محافل کا انعقاد بھی کیا جائے گا۔

رپورٹس کے مطابق آج شبِ معراج کے موقع پر مساجد میں خصوصی عبادات کا اہتمام کیا جائے گا، جبکہ عقیدت مند روزہ بھی رکھیں گے۔

شب معراج، رحمتوں اور برکتوں والی وہ رات ہے جب اللہ رب العزت نے اپنے حبیب حضرت محمد صلی اللہ علیہ وآلہ وسلم کو معراج کا شرف بخشا اور پانچ نمازوں کا تحفہ عطا کیا۔ یہ واقعہ ہجرت سے قبل پیش آیا۔

جب حضرت جبریل براق لے کر نبی آخر الزماں ۖ کی خدمت میں حاضر ہوئے اور عرض کیا کہ اے اللہ کے رسولۖ آپ کا رب آپ سے ملاقات کا خواہشمند ہے۔

حضور اکرم ۖ اس مقدس سفر کے دوران مسجد الحرام سے مسجد اقصی گئے، جہاں تمام انبیائے کرام نے آپ ۖ کی اقتدا میں نماز ادا کی۔

پھر آپ ۖ آسمانوں میں اللہ تعالی سے ملاقات کرنے تشریف لے گئے۔ اس واقعے کو قرآن کریم کی سور اسرا پارہ نمبر 15 کی ابتدائی آیات میں بیان کیا گیا ہے۔

سفر معراج کے دوران رسول کریمۖ کی ملاقات مختلف انبیا سے بھی ہوئی۔ اسی سفر میں امت محمدیہ ۖ پر پانچ نماز یں بھی فرض ہوئیں۔ شب معراج کے موقع پر مساجد پر چراغاں اور خصوصی عبادات کا اہتمام کیا جاتا ہے۔