’اسحاق ڈار نے پی ٹی آئی کے امیدوار کو 30 کروڑ کی پیش کش کی ہے‘

پاکستان تحریک انصاف کے سیکریٹری جنرل حماد اظہر نے دعویٰ کیا ہے کہ ہے کہ تحریک انصاف کے حمایت یافتہ آزاد امیدوار کو اسحاق ڈار نے فون کروا کے 30 کروڑ کی پیش کش کی ہے۔

انہوں نے سماجی رابطے کی سائٹ ایکس پر اپنے ایک بیان میں دعویٰ کیا کہ ابھی ایک تحریک انصاف کے ایم پی اے سے بات ہوئی تو اُس نے بتایا کہ اسحاق ڈار کا فون آیا تھا۔

حماد اظہر کے مطابق اسحاق ڈار نے بات کرنے کے بعد فون رکھتے ہوئے یہ بھی کہا کہ آپ کو ایک اور بندہ فون کرے گا، پھر جس شخص نے فون کیا اُس نے ن لیگ میں شمولیت کیلیے تیس کروڑ روپے کی پیش کش کی۔

حماد اظہر نے لکھا کہ ’اے پئی جے نون لیگ دی ساری سیاست‘ ان کی فارم 47 کی دھاندلی سے بھی بات نہیں بنی‘۔