شریف فیملی پر حملے کا خطرہ، لندن پولیس نے الرٹ جاری کردیا

لندن پولیس نے شریف فیملی کے ارکان پر نامعلوم افراد کی جانب سے حملےکا الرٹ جاری کیا ہے۔ خطرہ ظاہر کیا گیا ہے۔

جیو نیوز کو قابل اعتماد ذرائع نے دعویٰ کیا ہےکہ میٹ پولیس نے شریف فیملی ارکان کو خطرے کے حوالے سے خبردار کردیا ہے۔

یہ الرٹ ویسٹ مڈلینڈ پولیس کی جناب سے لندن میٹرو پولیٹن پولیس کو بھیجا گیا ہے جس کے مطابق حملے کی منصوبہ بندی سے متعلق معلومات انٹیلیز جنس مانیٹرنگ کے ذریعے ملی ہے۔

ذرائع کے مطابق اسکاٹ لینڈ یارڈ کے افسران نے ایون فیلڈ فلیٹ میں جا کر شریف فیملی کے ارکان کو خطرے سے آگاہ کردیا ہے۔

ذرائع کا کہنا ہےکہ پولیس نے شریف فیملی کے ارکان سے کہا ہےکہ وہ چوکنا رہیں اور آنے جانے میں احتیاط برتیں۔

واضح رہے کہ دو ہفتہ قبل گلفام حسین کو پولیس نے ایون فیلڈ کے باہر سے گرفتار کیا تھا، جس کے بعد اسے فلیٹس کے قریب آنے سے منع کردیا گیا تھا۔