مریم نواز نے میرے قتل کی منصوبہ بندی کی ہے، شیر افضل مروت کا انکشاف

سنی اتحاد کونسل کے رکن قومی اسمبلی اور پی ٹی آئی کے سینئر رہنما شیر افضل مروت کی جانب سے اپنے قتل کی منصوبہ بندی کا انکشاف کیا گیا ہے، انہوں نے کہاکہ سیاسی شخصیت نے میرے قتل کی منصوبہ بندی کی ہے۔

شیر افضل مروت کا میڈیا سے گفتگو کرتے ہوئے کہناتھا کہ مجھے بھارتی شہری افضل جندل کے ذریعے قتل کرایا جا سکتا ہے، اس ضمن میں ایک لاکھ روپے کی ادائیگی ہوچکی ہے۔

انہوں نے کہاکہ شوٹرز نے آگے ادائیگی بھی کر دی ہے،تمام مواد ہم ایف آئی اے کے ساتھ شئیر کرنے کیلئے تیار ہیں، شیر افضل مروت نے کہا کہ تمام مواد یہ ثابت کرتا ہے کہ یہ سارا کام مریم نواز نے کروایا ہے۔

شیر افضل مروت کا کہنا تھا کہ رات کو اپوزیشن لیڈر عمر ایوب سے ساری بات ڈسکس کر لی ہے،میں مطالبہ کرتا ہو کہ پاکستان کے نظام عدل اور ایف آئی اے اس کی تفتیش کی اجازت دے کر تحقیقات کرے۔

انہوں نے کہا کہ میں، میرا خاندان ہمیشہ سے قبائلی دشمنوں کا شکار رہے ہیں، کوئی بھی طبی موت نہیں مرا ہے، مریم بی بی آپ کے پاس جو بھی ہوں، یہ یاد رکھے کہ ہماری دشمنی بہت بہت دور دور تک جاتی ہے۔

شیر افضل مروت نے کہا کہ یہ مریم نواز کے کہنے پر کیا گیا ہے، اگر مجھے کچھ ہوا تو ذمہ دار مریم نواز ہو گی، اگر سیاست کو اس نہج پر لے جا رہے ہیں تو یہ دشمنی دور تک جائے گی۔

میں رہوں نہ رہوں ہمارے ہاں دشمنیاں بہت دور تک چلتی ہیں، موت سے نہیں گھبراتا،زندگی جتنی اللہ نے لکھی ہے اتنی ہو گی۔