اسکولوں سمیت تمام تعلیمی ادارے 24 نومبر تک بند رکھنے کا اعلان، پابندیوں میں بھی توسیع

پنجاب میں اسموگ کے پیش نظر لاہور اور ملتان سمیت 16 اضلاع میں تعلیمی اداروں کی بندش اور مختلف عائد کی گئی پابندیوں میں 24 نومبر تک توسیع کردی گئی ہے۔

تفصیلات کے مطابق اسموگ کے پیش نظر اسکولز ، کمرشل مارکیٹیں اور پارکس سمیت تفریحی مقامات پر پابندییوں میں توسیع کردی گئی۔ محکمہ ماحولیات کی جانب سے جاری نوٹی فکیشن کے مطابق تمام 16 اضلاع میں نجی و سرکاری اسکولز، کالجز اور یونیورسٹیاں 24 نومبر تک بند رہیں گی۔

ہائیرسیکنڈری تک کے تعلیمی ادارے چوبیس نومبر تک بند رہیں گے یا آن لائن منتقل ہونگے۔

نوٹی فکیشن کے مطابق تمام تر کمرشل مارکیٹوں کی بندش، پارکس ، چڑیا گھر ، تاریخی مقامات ، پلاے لینڈ اور عجائب گھر چوبیس نومبر تک بند رہیں گے۔

محکمہ تحفظ ماحولیات نے تینوں سیکٹرز میں پابندیوں کی توسیع کے نوٹفکیشن جاری کردیے جس کے بعد ضلعی انتظامیہ نے پابندیوں پر عمل درآمد کیلیے کمر کس لی ہے۔