سکیورٹی فورسز کی کارروائی، 8 خوارج واصل جہنم

سکیورٹی فورسز نے پاک افغان سرحد پر شمالی وزیرستان کے مقام پر خوارج کی دراندازی کی کوشش کو ناکام بنادیا۔

آئی ایس پی آر کے مطابق گزشتہ رات پاک افغان سرحد پر خوارج کے گروپ نے شمالی وزیرستان کے علاقے حسن خیل میں دراندازی کی کوشش کی۔

سکیورٹی فورسز نے خوارج کی دراندازی کی کوشش ناکام بنائی اور کارروائی کے دوران 8 خوارج مارے گئے جبکہ دراندازی کی کوشش میں 4 خوارج زخمی بھی ہوئے۔

آئی ایس پی آر کے مطابق پاکستان مسلسل افغان عبوری حکومت سے مثر بارڈر منیجمنٹ کا مطالبہ کرتا آیا ہے، توقع ہے افغان عبوری حکومت اپنی ذمہ داریوں کو پورا کرے گی۔

آئی ایس پی آرنے بتایاکہ توقع ہے افغان حکومت پاکستان کیخلاف افغان سرزمین کے استعمال کی اجازت نہیں دے گی، سکیورٹی فورسز اپنی سرحدوں کو محفوظ بنانے اور دہشتگردی کے خاتمے کیلیے پرعزم ہیں۔