سندھ حکومت نے عید الفطر کی تعطیلات کا اعلان کردیا

کراچی: سندھ حکومت کی جانب سے بھی عید الفطر کی تعطیلات کا اعلان کردیا گیا ہے۔

نوٹیفکیشن میں کہا گیا ہے کہ 31مارچ سے 2 اپریل تک عیدالفطر کی تعطیلات ہوں گی، تین روز سرکاری و نیم سرکاری ادارے بند رہیں گے۔

وفاقی حکومت نے بھی اس سے قبل عید الفطر 2025 کے لیے 3 تعطیلات کا اعلان کیا تھا۔

حکومت کی جانب سے جاری نوٹیفکیشن کے مطابق عید کی تعطیلات 31 مارچ (پیر) سے2  اپریل (بدھ) تک ہوں گی۔

نوٹیفکیشن کے مطابق ان تعطیلات کے دوران تمام سرکاری اور نیم سرکاری دفاتر بند رہیں گے۔