ٹانک میں ججز کی گاڑی پر مسلح افراد کا حملہ، 2 پولیس اہلکار شہید

خیبر پختونخوا کے ضلع ٹانک میں مسلح شرپسندوں نے ججز کی گاڑی پر اندھا دھند فائرنگ کردی، جس کے نتیجے میں 2پولیس اہلکار شہید ہوگئے۔

تفصیلات کے مطابق ججز کی گاڑی پر بگوال کے قریب حملہ ہوا، جس میں بہادری کے ساتھ جواب دیتے ہوئے 2 پولیس اہلکار شہید ہوگئے۔

دونوں پولیس اہلکار صمد اور عبداللہ کا تعلق جنوبی وزیرستان سے ہے۔ ذرائع کے مطابق فائرنگ کا سلسلہ جاری ہے اور حملہ میں ججز تاحال محفوظ ہیں۔

پولیس کی بھاری نفری کو جائے وقوعہ طلب کرلیا ہے جبکہ ذرائع کا کہنا ہے کہ 8 سے 10 حملہ آور موقع پر موجود ہیں۔پولیس نے دہشت گردوںکی تلاش شروع کردی ہے۔